Raqamli texnologiyalar vazirligining yangi digital.uz rasmiy veb-sayti sinov tariqasida ishga tushirildi. Endilikda ushbu veb-sayt orqali Vazirlik faoliyati bilan tanishib borishingiz mumkin.
eye_icon
Ishonch telefonlari
11-99 Barcha raqamlar
img_icon
  • Toshkent axborot texnologiyalari universiteti Farg‘ona filialida IT-inkubatsiya markazi ochildi
    30.06.2021

    Bugungi kunda ta’lim tizimini isloh qilishda oliy ta’lim muassasalari, ilmiy-tadqiqot institutlari va IT-parklar o‘rtasidagi hamkorlikni kengaytirish muhim ahamiyat kasb etadi.

    Oliy ta’lim tizimida talaba-yoshlarga imkoniyatlar yaratib berish, ularning yangilik yaratishlari va amaliyotga tatbiq qilishlari uchun shart-sharoitlarini to‘g‘rilash bo‘yicha bosqichma-bosqich amaliy ishlar boshlangan. Xususan, Muhammad al-Xorazmiy nomidagi Toshkent axborot texnologiyalari universiteti Farg‘ona filialida Inkubatsiya markazi ochildi. Markaz ochilishida Farg‘ona viloyati hokimining o‘rinbosari, Axborot texnologiyalari va kommunikatsiyalarini rivojlantirish vazirligi Farg‘ona viloyati hududiy boshqarmasi shuningdek, professor-o‘qituvchi hamda talaba-yoshlar ishtirok etdilar.

    Markaz ilg‘or startap g‘oyalar va innovatsion ishlarni monitoring qilish, tanlash va inkubatsiya qilish vazifalarini bajaradi. Shuningdek, yoshlarning startap jamoalarini shakllantirish, loyiha faoliyatiga tayyorlash bo‘yicha innovatsiyalar sohasidagi yoshlar tashabbuslarini aniqlash, jamoalarni qo‘llab-quvvatlash, talabalar va yosh olimlarning ilmiy tadqiqot va innovatsion ishlanmalarini rivojlantirishga ko‘maklashish vazifalarini bajaradi.

    Manba: Axborot xizmati