eye_icon
Ishonch telefonlari
11-99 Barcha raqamlar
img_icon
AXBOROT TEXNOLOGIYALARI SOHASIGA INVESTITSIYALAR



 

2020-2022 yillarida AKT sohasida bir qator yirik loyihalar amalga oshiriladi

Prezident Shavkat Mirziyoyev parlamentga yo‘llangan Murojaatnomalarida ta‘kidlaganidek, raqamli iqtisodyotni rivojlantirish O‘zbekiston uchun kelgusi yiilarda eng dolzarb va ustuvor yo‘nalishlaridan biri.

Yurtimizda 2020 yil “Ilm, ma‘rifat va raqamli iqtisodiyotni rivojlantirish yili” deb e‘lon qilingani ham bejiz emas. “Ilm, ma‘rifat va raqamli iqtisodiyotni rivojlantirish yili” uchun qabul qilingan Davlat dasturi joriy yilda Prezident tomonidan qo‘yilgan bir qator yirik vazifalarni amalga oshirishni ham ko‘zda tutilgan.

Bu borada O‘zbekiston Respublikasi Prezidentining 2020 yil 9 yanvarda “O‘zbekiston Respublikasining 2020-2022 yillarga mo‘ljallangan investitsiya dasturini amalga oshirish chora-tadbirlari to‘g‘risida” PQ-4563-sonli qabul qilingan qarorida Respublikada bir qator yirik investitsiya loyihalarni amalga oshirishi belgilangan. Jumladan, 2020-2022 yil mobaynida axborot texnologiyalari va telekommunikatsiyalari sohasidagi loyihalarga 676,8 million dollarga teng investitsiyalarini jalb qilinishi rejalashtirilgan. Ya‘ni:

2020 yilda umumiy qiymati 178,7 million dollar, shundan to‘g‘ridan to‘g‘ri xorijiy investitsiyalar 139,2 million dollar, davlat kafolati ostidagi kreditlar – 37,5 million dollar;

2021 yilda umumiy qiymati 241,7 million dollar, shundan to‘g‘ridan to‘g‘ri xorijiy investitsiyalar 171,9 million dollar, davlat kafolati ostidagi kreditlar — 67,7 million dollar.

2022 yilda esa loyhalarning umumiy qiymati 256,4 million dollarga teng mo‘ljallangan bo‘lsa, shulardan 180,1 million dollarni to‘g‘ridan to‘g‘ri xorijiy investitsiyalar, davlat kafolati ostidagi kreditlar esa 73,1 million dollarni jalb qilinishi ko‘zda tutilgan.

Ta‘kidlash kerakki, O‘zbekiston Respublikasi Prezidentining 2020 yil 28 apreldagi PQ-4699-son “Raqamli iqtisodiyot va elektron hukumatni keng joriy etish chora-tadbirlari to‘g‘risida” qaroriga muvofiq 2020-2022 yillarda axborot texnologiyalari va kommunikatsiyalarini rivojlantirish bo‘yicha umumiy qiymati 17,6 trillion so‘m bo‘lgan 35 ta ustuvor loyihalar amalga oshirilishi belgilangan.

Mazkur loyihalarning 44,8 foiz to‘g‘ridan to‘g‘ri xorijiy investitsiyalar va kafolatlanmagan kreditlar hisobidan, 33 foiz davlat kafolati ostidagi kreditlar hisobidan amalga oshirilishi rejalashtirilgan.

Hujjatlar:

  1. O‘zbekiston Respublikasi Prezidentining 2020 yil 9 yanvardagi “O‘zbekiston Respublikasining 2020-2022 yillarga mo‘ljallangan investitsiya dasturini amalga oshirish chora-tadbirlari to‘g‘risida” PQ-4563-sonli qarorini o'qish;
  2. O‘zbekiston Respublikasi Prezidentining 2020 yil 28 apreldagi PQ-4699-son “Raqamli iqtisodiyot va elektron hukumatni keng joriy etish chora-tadbirlari to‘g‘risida” qarorini o'qish.

 

Vazirlik hamda uning tizimidagi tashkilotlar faoliyatini yanada rivojlantirish uchun tashqi qarz hisobiga amalga oshirilayotgan loyihalar

Axborot texnologiyalari va kommunikatsiyalarini rivojlantirish vazirligi hamda uning tizimidagi korxona, tashkilot va muassasalar tomonidan 1995 -2020 yillar davomida O‘zbekiston Respublikasi Hukumati kafolati ostida Xalqaro moliya institutlari va Xorijiy hukumat moliya tashkilotlarining uzoq muddatli kreditlarini jalb qilgan holda, ya’ni davlat tashqi qarzi hisobiga 390 mln. AQSh dollaridan ortiq bo‘lgan loyihalar amalga oshirilib, shulardan, bugungi kun holatiga 190 mln. AQSh dollari miqdoridagi mablag‘lar qaytarilgan. Kreditlar bo‘yicha to‘lovlar loyihalar tashabbuskorlari – tizimdagi tegishli korxona va tashkilotlar bilan xorijiy hamkorlar o‘rtasida imzolangan shartnomalarda ko‘zda tutilgan shartlar asosida belgilangan muddatlarda amalga oshirilmoqda.

Mazkur loyihalarni amalga oshirish natijasida respublika telekommunikatsiya tarmoqlari modernizatsiya va rekonstruksiya ishlari olib borildi.

Yaponiyaning xorijiy iqtisodiy hamkorlik bo‘yicha Jamg‘armasi (OECF) kredit mablag‘lari hisobiga “O‘zbekiston Respublikasining telekommunikatsiya tarmog‘ini kengaytirish” loyihasining 1-bosqichi doirasida keng ko‘lamli ishlar olib borildi. Uning natijasida respublika telekommunikatsiya xizmatlarining sifati yaxshilanishiga, qo‘shimcha xizmatlarni joriy qilish hamda respublika hududlarini tezkor hamda zahira aloqa bilan ta’minlashga erishildi.

Ushbu loyihaning 2-bosqichida doirasida amalga oshirilgan ishlar natijasida uzoq va borish qiyin bo‘lgan telefonlashtirilmagan aholi punktlari sifatli aloqa bilan ta’minlanishiga, shaharlararo va xalqaro aloqa sifati yaxshilanishiga, shuningdek, analog televideniye qamrov hududining kengaytirilishiga erishildi.

Yaponiyaning xalqaro hamkorlik banki (JBIC) kredit mablag‘lari hisobiga “O‘zbekiston Respublikasi yer usti raqamli teleeshittirish tizimini rivojlantirish” loyihasi ham amalga oshirildi. Loyiha doirasida, respublika bo‘yicha jami 90 ta yuqori quvvatli raqamli tele uzatkichlar o‘rnatildi, respublikaning uzoq va borish qiyin bo‘lgan aholi maskanlarida 404 ta kam quvvatli raqamli teleuzatkichlar o‘rnatildi. O‘zbekiston Respublikasida raqamli teleeshittirish tizimini nazorat qilish va boshqarish tizimi o‘rnatilib, 1 ta markaziy hamda 13 ta hududiy boshqarish va nazorat qilish markazlari tashkil etildi;

Raqamli televideniye signallarini respublikaning barcha hududlari, xususan uzoq va yetib borish qiyin bo‘lgan aholi maskanlarida o‘rnatilgan televizion uzatkichlarigacha yetkazib berish maqsadida Toshkent teleminorasiga yer usti stansiyasi o‘rnatildi. Buning natijasida respublika aholisi, xususan, uzoq va yetib borish qiyin bo‘lgan aholi maskanlarida yashovchi aholi raqamli televideniye bilan to‘liq qamrab olindi va teldasturlarni ko‘rish imkoniyati yaratildi.

Yaponiya banklarining kredit mablag‘lari hisobiga “Magistral va multiservisli ma’lumotlar uzatish tarmoqlarini kengaytirish” loyihasining raqamli radiorele qurilmalari qismi va “Kommutatsiya markazlarini IMS (IP Multimedia Subsystem) texnologiyasi bo‘yicha takomillashtirish” hamda Magistral tarmoqni zichlashtirish (DWDM) texnologiyasi asosida kengaytirish” loyihalari amalga oshirildi. Loyiha doirasida:

Tarmoqlararo ulanish imkoniyatlari kengaytirildi, Transport kommutatsiya markazlari umumiy sig‘imi oshirilib, bir vaqtning o‘zida bog‘lanishlar soni oshirildi, radio rele uskunalari modernizatsiyalandi.

Magistral telekommunikatsiya tarmoqlarida ma’lumotlar uzatish tarmoqlarining o‘tkazuvchanlik qobiliyati kengaytirildi. Buning natijasida xizmatlar sifati va tezkorligi oshirilishiga erishildi. Shuningdek, magistral va multiservis ma’lumotlar uzatish tarmoqlari kengaytirildi.

Mazkur loyihalarni amalga oshirishning yakuniy natijasi foydalanuvchilarga sifatli va tezkorlik bilan xizmat ko‘rsatish imkoniyatlarini yaratishga qaratilgan.