Joriy yilning 16-18 iyun kunlari Navoiy viloyatida “Yangi O‘zbekiston yoshlari, birlashaylik!” shiori ostida yoshlar festivali bo'lib o'tmoqda.  Dastur rejasiga ko‘ra,  40 dan ortiq turli tanlov va musobaqalar, tadbir hamda loyihalar  uch kun davomida o‘tkaziladi. Viloyat yoshlari turli tadbirlarda o‘zlari qiziqqan soha va yo‘nalishlar bo‘yicha ishtirok etishlari mumkin.

Jumladan,  robototexnikaga qiziquvchi yoshlar uchun  Robotlar ko‘rgazmasi tashkil etilib, mutaxassislar tomonidan master-klass o‘tkazildi. Tadbir davomida faol qatnashgan  yoshlar  tashkilotchilar tomonidan diplom va esdalik sovg‘alar bilan taqdirlandilar.  Shuningdek, robototexnikaga qiziquvchilar uchun yosh robototexniklar tomonidan yaratilgan ishlanmalar to‘g‘risida ma’lumotlar berildi.