“Oʻzbekiston pochtasi” AJning ijro apparatida yangi tayinlovlar amalga oshirildi.
Jumladan, Rustam Dadamuhamedov “Oʻzbekiston pochtasi” AJning moliya boʻyicha direktori vazifasini vaqtincha bajaruvchi etib tayinlandi. Bunga qadar u Axborot texnologiyalari va kommunikatsiyalarini rivojlantirish vazirligining Iqtisodiyot va tariflar boshqarmasi boshligʻi vazifasida ishlab kelgan.
Shuningdek, Otaboy Rahimov “Oʻzbekiston pochtasi”ning ishlab chiqarish boʻyicha direktori vazifasini vaqtincha bajaruvchi, Baxtiyor Hoshimov – pochta xavfsizligi boʻyicha direktor vazifasini vaqtincha bajaruvchi etib tayinlandi.
Manba: Axborot xizmati