“Respublikada nodavlat ta’lim tashkilotlarining o‘quv kurslarida yoshlarning axborot texnologiyalari sohasida tahsil olishi uchun ta’lim krediti ajratishni tartibga solish chora-tabdirlari to‘g‘risida”gi O‘zbekiston Respublikasi Vazirlar mahkamasining qarori qabul qilindi. 

Qarorga ko‘ra, O‘zbekiston Respublikasi Prezidentining “Zamonaviy bilim va kasb-hunar egallash imkoniyatlarini kengaytirish bo‘yicha qo‘shimcha chora-tadbirlar to‘g‘risida” 2022-yil 12-avgustdagi qaroriga muvofiq nodavlat ta’lim tashkilotlarining o‘quv kurslarida yoshlarning axborot texnologiyalari sohasida tahsil olishi uchun ta’lim kreditini ajratish tizimi yo‘lga qo‘yilishi belgilandi.

Unga ko‘ra:

– Iqtisodiyot va Moliya vazirligi huzurdagi Ta’lim kreditini moliyalashtirish jamg‘armasi tomonidan har yili besh ming nafargacha Axborot texnologiyalari sohasida tahsil olayotgan yoshlarga ta’lim kreditlari ajratish;

– Ta’lim kreditlarini bazaviy hisoblash miqdorining 65 baravarigacha miqdorda Markaziy bankning asosiy stavkasida bir yillik imtiyozli davr bilan 4 yil muddatga ajratish;

“Ijtimoiy himoya yagona reeystri”ga kirgan oilalar farzandlari bo‘lgan yoshlarga axborot texnologiyalari sohasida tahsil olish bo‘yicha ajratilgan kreditlar uchun garov va kafillik talab etmaslik belgilandi.