25-oktabr kuni “ICT Week – 2022” haftaligi doirasida O‘zbekistonda IT va raqamli ta’lim sohasidagi asosiy va muhim voqealardan biri bo‘lgan “IT Education” Forumi bo‘lib o‘tdi. Unda Axborot texnologiyalari va kommunikatsiyalarini rivojlantirish vaziri Sherzod Shermatov ishtirok etdi.
Mazkur tadbir ta’limning innovatsion uslublarini o‘rganish, yetakchi davlatlar mutaxassislari o‘rtasida tajriba va bilim almashish, shuningdek, IT-ta’lim tizimidagi dolzarb masalalarni muhokama qilishga qaratilgan.
Forum doirasida Hindiston, AQSh, Koreya Respublikasi, Belarus Respublikasi va Estoniyadan kelgan xalqaro ekspertlarning panel muhokamalari va taqdimotlari o‘tkazildi.
“IT-Education” Forumi IT-taʼlim sohasidagi jadal rivojlanayotgan va eng ilgʻor yangiliklardan xabardor boʻlish uchun noyob imkoniyatdir.
Manba: Axborot xizmati