Frilansing bu – davlat ishidan holi boʻlgan erkin daromad topishning usulidir. Tayland plyajida hordiq chiqargan holda noutbukdan pul topishingiz yoki uyda shaxsiy kompyuteringiz orqali choraklik hisobotlar tayyorlashingiz mumkin. Birinchi navbatda qanday qilib Frilanser bo’lib ishlash, buyurtmalar olish va soliqlar toʻlash haqida soʻz yuritsak.

Frilanser kim oʻzi?

Frilanser – masofadan turib bir yoki bir nechta buyurtmachilar bilan ishlovchi shaxsdir. Sayt yoki dastur ishlab chiquvchi, buxgalter, tarjimon, qandolatchi va boshqa turli kasbdagi istagan insonlar frilanser bo’lishlari mumkin. Frilansdan asosiy ish joyni almashtirish yoki qo’shimcha daromad topish maqsadida foydalanishadi.