Ozarbayjon Respublikasining Boku shahrida bo‘lib o‘tgan Turkiy davlatlar tashkilotiga a’zo davlatlarning AKT vazirlari yig‘ilishida O‘zbekiston Respublikasi Axborot texnologiyalari va kommunikatsiyalarini rivojlantirish vazirligi delegatsiyasi ham qatnashdi.

Unda AKT vaziri o‘rinbosari J. Egamberdiyev O‘zbekiston Respublikasida axborot-kommunikatsiya texnologiyalarini rivojlantirish bo‘yicha olib borilayotgan keng qamrovli ishlar, shu jumladan “Raqamli O‘zbekiston – 2030” strategiyasini amalga oshirish doirasida raqamli infratuzilma, IT-industriya, elektron hukumat, IT-ta’limni rivojlantirishda erishilgan natijalar va kelgusi rejalar hamda ushbu yo‘nalishlarda Turkiy davlatlar tashkilotiga a’zo davlatlar o‘rtasida ko‘p tomonlama hamkorlikni kengaytirish yuzasidan nutq so‘zladi.

Yig‘ilish davomida Tashkilot doirasidagi Elektron hukumat hamda Raqamli infratuzilma va “aqlli shahar” ishchi guruhlari tomonidan ishlab chiqilgan masalalar ko‘rib chiqildi.

Jumladan, kun tartibida Turkiy davlatlar tashkiloti a’zo davlatlari o‘rtasida AKT sohasida hamkorlik bo‘yicha “yo‘l xaritasi”ni ishlab chiqish, Tashkilotga a’zo davlatlar o‘rtasida Mobil qurilmalarni ro‘yxatdan o‘tkazish umumiy tizimini yaratish, Tashkilotning Raqamli innovasiya katalogini yaratish loyihasini amalga oshirish va boshqa masalalar muhokama qilindi hamda tegishli qarorlar qabul qilindi.