Аxborot texnologiyalari sohasida kadrlar tayyorlash tizimini takomillashtirish, “Raqamli Oʼzbekiston – 2030” strategiyasini muvaffaqiyatli amalga oshirish, raqamli texnologiyalarni rivojlantirish maqsadida O‘zbekiston Prezidentining “Аxborot texnologiyalari sohasida taʼlim tizimini yanada takomillashtirish, ilmiy tadqiqotlarni rivojlantirish va ularni IT – industriya bilan integratsiya qilish chora-tadbirlari to‘g‘risida”gi qarori qabul qilindi.

Mazkur qarorga asosan, Samarqand davlat tibbiyot universitetida “Inkubatsiya va akseleratsiya markazi” tashkil etildi. Endi bu markazda talabalar darsdan bo‘sh vaqtlarida axborot texnologiyalari sohasini o‘zlashtiribgina qolmay, istiqbolli startap loyihalarni tayyorlab, yo‘lga qo‘yadilar.

Markaz ochilishida Toshkent Axborot texnologiyalari universiteti rektori, IT Park direktori o‘rinbosari hamda oliy ta’lim muassasasi professor-o‘qituvchilari va talabalari ishtirok etdilar.