“Space Technology Conference STC-2022” xalqaro konferensiyasi  doirasida bugun, 10-may kuni Axborot texnologiyalari va kommunikatsiyalarini rivojlantirish vaziri Sherzod Shermatov StrategEast kompaniyasi prezidenti Anatoliy Motkin bilan uchrashuv o‘tkazdi.

Uchrashuvda ta’kidlanganidek, StrategEast bugungi kunda Yevrosiyo mamlakatlariga global texnologiya yetakchilari va xalqaro moliya institutlari bilan hamkorlik asosida raqamli iqtisodiyotni rivojlantirishga yordam berib, dunyoning ko‘plab mamlakatlarida yirik loyihalarni amalga oshirib kelmoqda. Kompaniya vakili O‘zbekistonda ham shunday loyihalarni amalga oshirish takliflarini bildirdi.

Uchrashuv davomida O‘zbekistondagi mahalliy IT-tadbirkorlarga o‘z mahsulotlarini jahon bozorlariga, jumladan, Silikon vodiysiga olib chiqish imkoniyatlari ham muhokama qilindi.

Shu bilan birga, tomonlar o‘zaro manfaatli hamkorlikni kengaytirish muhim ahamiyatga ega ekanligini ta’kidlashdi.