Samarqand viloyati Pastdarg’om tumanidagi 56-son informatika va axborot texnologiyalariga ixtisoslashtirilgan maktabning ochilish marosimi bo`lib o`tdi.

Ochilish marosimida Axborot texnologiyalari va kommunikasiyalarini rivojlantirish vazirligi Samarqand viloyati hududiy boshqarmasi, Viloyat Xalq ta’limi boshqarmasi, Tuman hokimligi, jamoatchilik vakillari, maktab o`qituvchi va o`quvchilari ishtirok etdilar.

  O’tgan davr mobaynida Samarqand viloyatida 5 ta informatika va axborot texnologiyalariga ixtisoslashtirilgan maktablar tashkil etilgan bo’lib, ushbu maktab oltinchisi hisoblanadi.

  Mazkur maktab zamon talablari asosida ta`mirlandi va jihozlandi. Unda 2 ta informatika, robototexnika sinfxonalari va raqamli kutubxona tashkil etildi. Endilikda ushbu maktab o`quvchilariga informatika fani chuqurlashtirilib o‘qitiladi va amaliyotda bilimlarini sinash imkoniyatini beradi.