Tanlovda Axborot texnologiyalari va kommunikatsiyalarini rivojlantirish vazirligi Sirdaryo viloyati hududiy boshqarmasi, IT Park Sirdaryo filiali, Guliston davlat universiteti, Xalq ta’limi boshqarmasi va IT sohasiga qiziquvchi yoshlar ishtirok etdi.

Ikki kun davom etgan tadbirda 30 nafar yoshlar qatnashib, o‘zlarining bor bilim va mahoratlaridan foydalangan holda ta’lim, sog‘liqni saqlash, transport, qishloq xo‘jaligi, kommunal va xizmat ko‘rsatish sohalaridagi muayyan muammolarni hal qilish va sohalarni raqamlashtirishga oid g‘oyalarni taqdimot qildilar.

Tanlov yakunida eng yaxshi g‘oyalarni taqdim etgan 3 ta ishtirokchi g‘olib deb topilib, ularga homiylarning esdalik sovg‘alari va sertifikatlar topshirildi.