Andijon viloyatidagi Raqamli texnologiyalar o‘quv markazlarida Andijon shahar, Izboskan, Jalalquduq, Marhamat va Xo‘jaobod tumanlarida faoliyat yuritayotgan tibbiyot xodimlari “Raqamli texnologiyalar va dasturiy mahsulotlardan samarali foydalanish” bo‘yicha o‘qitilmoqda. 

O‘quv kursi yordamida tinglovchilarning raqamli texnologiyalar va dasturiy mahsulotlardan samarali foydalanish bo‘yicha ko‘nikmalarini mustahkamlash nazarda tutilgan bo‘lib, malaka oshirish jarayonlari o‘quv tarqatma materiallari va maxsus jihozlangan kompyuter laboratoriyasidan foydalangan holda amalga oshirilmoqda.