Toshkent viloyatining Yangiyo‘l tumanidagi Raqamli texnologiyalar o‘quv markazida tibbiyot xodimlarining IT sohasida malakasini oshirish yo‘lga qo‘yildi.

Jumladan, har bir oilaviy poliklinika, Qishloq vrachlik punktlari hamda ko‘p tarmoqli markaziy poliklinikalarda elektron tizim bilan ishlaydigan hamshiralar jalb qilindi.

Tashkil etilgan o‘quv kurslaridan ko‘zlangan maqsad, Sog‘liqni saqlash tizimi xodimlarining axborot texnologiyalari sohasida zamonaviy bilimlarini egallashlari hamda tibbiyot sohasini raqamlashtirish ishlarini samarali amalga oshirishdan iboratdir.