Bugungi kunda respublikamizning barcha hududlarida IT-texnikumlarni tashkil etish uchun qurilish-ta’mirlash ishlari olib borilmoqda. Shu sababdan, Axborot texnologiyalari va kommunikatsiyalarini rivojlantirish vaziri Sh. Sodiqov Farg‘ona viloyati Qo‘qon shahrida ochilishi rejalashtirilayotgan yangi IT-texnikumning ta'mirlash va rekonstruksiya qilish jarayoni bilan yaqindan tanishdi.
IT-texnikumida amalga oshirilayotgan ishlarning umumiy hajmi ko'rsatilib, ushbu obyektning keyingi rejalari muhokama qilindi. Shu bilan birga, texnikum dizaynida yetakchi IT korxonalarida aks etgan ranglar palitrasidan foydalanish bo'yicha o'z taklifini berdi.
Ta’kidlash lozim, joriy yil 1-oktabrdan boshlab barcha hududlarda 14 ta IT-texnikumlar faoliyatini yo‘lga qo‘yish, ushbu texnikumlarda dasturiy injiniring, axborot xavfsizligi, telekommunikatsiya kabi yo‘nalishlar bo‘yicha 8 mingga yaqin o‘quvchi tahsil olishi ko‘zda tutilgan.