Axborot texnologiyalari va kommunikatsiyalarini rivojlantirish vazirligining Sirdaryo viloyati hududiy boshqarmasi, Sirdaryo viloyati hokimligi hamda "Dasturiy mahsulotlar va axborot texnologiyalari texnologik parki direksiyasi" MChJ mutasaddilari ishtirokida viloyatda IT industriyasini yanada rivojlantirish yuzasidan uchrashuv bo‘lib o‘tdi.
Shu bilan birga, "Dasturiy mahsulotlar va axborot texnologiyalari texnologik parki direksiyasi" MChJ direktori IT Park Sirdaryo filialiga tashrif buyurib, Raqamli texnologiyalar o‘quv markazlari o‘qituvchi-trenerlari bilan suhbatlashdi. Uchrashuv davomida viloyat aholi va yoshlarini sohaga qiziqishini yanada oshirish, yosh dasturchilarni qo‘llab-quvvatlash borasida amalga oshirilayotgan ishlar muhokama qilindi.
Manba: Axborot xizmati