Xorazm viloyatida joriy yilning iyun oyida “Yangi O‘zbekiston yoshlari, birlashaylik” shiori ostida yoshlar festivali tashkil etilmoqda.
Xususan, festival doirasida Axborot texnologiyalari va kommunikatsiyalarini rivojlantirish vazirligi Xorazm viloyati hududiy boshqarmasi, IT-Park, Yoshlar ishlari agentligi viloyat boshqarmasi bilan hamkorlikda viloyatning barcha shahar va tumanlaridagi Raqamli texnologiyalar o’quv markazlarida kibersportning “CS.GO” va “FIFA” yo‘nalishida yoshlar o‘rtasida musobaqalar o’tkazilmoqda.
Bugungi kunga qadar Xorazm viloyatidagi 10 ta tumanda musobaqalar tashkil etildi. Musobaqa natijalariga ko’ra g’olib bo’lgan yoshlarga diplom va esdalik sovg’alari topshirildi.
Yoshlar oyligi davomida viloyatning yana 3 ta hududida kibersport musobaqalari o’tkazilishi rejalashtirilgan.
Manba: Axborot xizmati