Navoiy viloyatida “Yangi Oʻzbekiston yoshlari, birlashaylik!” shiori ostida yoshlar festivali boʻlib oʻtdi. Ushbu festival doirasida 50 dan ortiq tadbirlar tashkil etilib, uch kun davom etgan mazkur tadbirlarga jami besh yuz mingdan ortiq viloyat aholisi ishtirok etdi.

Shuningdek, ushbu tadbirlar doirasida Kibersport musobaqasi tashkil etilib, viloyatning barcha tuman va shaharlaridan ushbu sport turiga qiziqqan 200 ga yaqin eng kuchli yoshlar bellashdilar. Yakuniy natijalarga koʻra, 1-oʻrinni Rayimov Abdulaziz (Navoiy shahri), 2-oʻrinni Aslonov Sardorbek (Karmana tumani) hamda 3-oʻrinni Mardonov Temur (Zarafshon shahri) qoʻlga kiritdi. Gʻoliblarga tadbir tashkilotchilarining diplom va qimmatbaho sovgʻalari tantanali ravishda topshirildi.