Muhammad al-Xorazmiy nomidagi Toshkent axborot texnologiyalari universiteti hamda O‘zbekiston Respublikasi Vazirlar Mahkamasi huzuridagi “O‘zbekkosmos» agentligi o‘rtasida uchrashuv bo‘lib o‘tdi.
Tashrif chog‘ida iqtisodiyotni innovatsion rivojlantirish shuningdek, ilmiy-texnik, moddiy imkoniyatlar va kadrlar salohiyatidan to‘laroq foydalanish maqsadida, kosmik tadqiqotlar va texnologiyalarni qo‘llash bo‘yicha uslubiy ko‘rsatmalarni birgalikda ishlab chiqish, shuningdek, kosmik texnologiyalar va uchuvchisiz uchish apparatlaridan olingan ma’lumotlarni qayta ishlash, ulardan foydalanish kabi masalalar muhokama qilindi.
Shuningdek, kosmik texnologiyalar va uchuvchisiz uchish apparatlari yordamida birgalikda ishlab chiqarish faoliyatini amalga oshirish, kosmik texnologiyalar va uchuvchisiz uchish vositalari yordamida aero fotografiyasini amalga oshirish, uning natijalaridan foydalanishni ta’minlovchi musobaqalar va maqsadli dasturlar, ishlab chiqarish, TATU bazasida kosmos sohasida kompetentlik markazini ochish, O‘zbek kosmosi ilmiy laboratoriyasini ochish, ushbu sohaga yosh kadrlarni jalb etish bo‘yicha seminar-trening tashkil etilishi kabi loyihalar yuzasidan fikr almashinildi.
Manba: Axborot xizmati