Navoiy viloyatidagi axborot texnologiyalari va kommunikatsiyalarini rivojlantirish soha korxonalari hamda mobil aloqa operatorlarining bo‘lim va filiallari o‘rtasida mini futbol bo‘yicha musobaqa bo‘lib o‘tdi.

Mazkur tashkil etilgan viloyat birinchiligida 12 ta jamoalar ishtirok etib, o‘zaro kuch sinashdilar. Musobaqa yakuniga ko‘ra, 1-o‘rinni “O‘zbektelekom” AK Navoiy filiali jamoasi, 2-o‘rin uchun AT “Aloqabank” jamoasi munosib deb topilgan bo‘lsa, jamoaviy o‘yini bilan 3-o‘rinni Navoiy viloyati Elektromagnit moslashuv xizmati jamoasi egalladi. Eng yuqori o‘rinlarni egallagan jamoalarga aloqa sohasi korxonalari kasaba uyushmasi qo‘mitasining turli darajadagi diplom hamda esdalik sovg‘alari taqdim etildi.