Farg‘ona viloyatida O‘zbekiston Respublikasi Axborot texnologiyalari va kommunikatsiyalarini rivojlantirish vazirligi tizimidagi korxona va tashkilotlarning viloyatda faoliyat yurituvchi bo‘linmalari va filiallari xodimlari o‘rtasida futbol boʻyicha musobaqa o‘tkazildi.
Tadbirda Axborot texnologiyalari va kommunikatsiyalarini rivojlantirish vazirligi Farg‘ona viloyati hududiy boshqarmasi va mas’ullar ishtirok etishdi. Musobaqada 8 ta soha korxonalari va tashkilot xodimlaridan iborat jamoalar ishtirok etdilar. 1-o‘ringa “Aloqa bank” AT Qo‘qon filiali xodimlari loyiq deb topildi. 2-o‘rinni “O‘zbektelekom” AK Farg‘ona filiali egallagan bo‘lsa, 3-o‘rin “O‘zbektelekom” AK filiali Farg‘ona hududiy bog‘lamasi xodimlariga nasib etdi.
Manba: Axborot xizmati