Sirdaryo viloyatida Axborot texnologiyalari va kommunikatsiyalarini rivojlantirish vazirligi tizimiga kiruvchi korxona va tashkilolarining quyi bo`linmalari xodimlari oʻrtasida mini futbol (futzal) boʻyicha musobaqa oʻtkazildi.

Mazkur musobaqa xodimlar oʻrtasida sog`lom turmush tarzini targ`ib qilish, do`stona munosabatlarni shakllantirish va mustahkamlash maqsadida tashkil etildi.

Musobaqada “Oʻzbektelekom” AK va “Oʻzbekiston pochtasi” AJ Sirdaryo filiallari, “Oʻzbektelekom” AK “TTT” filiali Uchinchi bogʻlamasi, Sirdaryo viloyati elektromagnit moslashuv xizmati va mobil aloqa kompaniyalari xodimlaridan iborat 8 ta jamoa ishtirok etdi.

Qizg`in va murosasiz kechjan bellashuvda quyidagi g`oliblar aniqlandi: 1-o`rinni “O`zbektelekom” AK Sirdaryo filiali jamoasi, 2-o`rinni “O`zbektelekom” AK TTT filiali uchinchi bog`lamasi jamoasi, va 3-o`rinni “MobiUZ” MCHJ Sirdaryo viloyat bo`limi jamoasi egalladi.

Musobaqada ishtirok etgan jamoalarga, shuningdek, eng yaxshi ishtirok etgan qatnashchilarga diplom va qimmatbaho sovg`alar topshirildi.