Samarqand viloyati Oqdaryo tumanidagi  14-sonli musiqa va sanat maktabida jismoniy va yuridik shaxslar uchun AKT vazirligi Samarqand viloyati hududiy boshqarmasi tomonidan sayyor qabul o‘tkazildi.

Sayyor qabulda O‘zbekiston Respublikasi axborot texnologiyalari va kommunikatsiyalarini rivojlantirish vazirligi tizimidagi korxona va tashkilotlar hamda mobil aloqa operatorlarining viloyat bo‘linmalari rahbarlari ishtirok etdi.

Qabul davomida soha doirasida olib borilayotgan ishlar va kelgusida amalga oshirilishi rejalashtirilgan vazifalar to‘g‘risida ma’lumot berib o‘tildi hamda telekommunikatsiya, radio va televideniye, axborot texnologiyalari sohasi bo’yicha fuqarolarning murojaatlari tinglandi. Sayyor qabul davomida 12 nafar fuqarolardan murojaatlar kelib tushib, shundan 5 tasi joyida hal etildi, qolgan 7 tasi bo`yicha qo`shimcha o‘rganish o`tkazilishi belgilanib, mas`ullar biriktirildi va nazoratga olindi.

Shuningdek, sayyor qabul davomida mobil aloqa operatorlari viloyat bo‘linmalari tomonidan tuman aholisi uchun sayyor xizmatlar ko’rsatildi.