27-iyun Matbuot va ommaviy axborot vositalari xodimlari kuni munosabati bilan, O‘zbekiston Respublikasi Prezidentining Farmoniga muvofiq soha xodimlaridan bir guruhi mukofotlandi. Ular orasida AKT sohasini yoritadigan jurnalistlar ham bor.
27-iyun Matbuot va ommaviy axborot vositalari xodimlari kuni munosabati bilan, O‘zbekiston Respublikasi Prezidentining Farmoniga muvofiq Qosimov Zafarjon Olimjonovich – “Xabar.uz” axborot-tahliliy portali muxbiri hamda Nasimov Baxtiyer Azimovich - Toshkent shahri «Coscom» mas’uliyati cheklangan jamiyatining jamoatchilik bilan aloqalar boshqarmasi boshlig‘i, bloger “Shuhrat” medali bilan taqdirlandilar.
Yuksak mukofot sohiblarini Axborot texnologiyalari va kommunikatsiyalarini rivojlantirish vazirligi jamoasi tabriklaydi. Ularning kelgusidagi ishlariga rivoj va ulkan muvaffaqiyatlar tilaydi.
Manba: Axborot xizmati