Xususan, Boyovut va Xovos tumanlarida “Raqamli Oʻzbekiston – 2030” strategiyasi doirasida tumanni raqamli transformatsiya qilish boʻyicha amalga oshirilayotgan ishlar hamda raqamli rivojlanish darajasini baholashning reyting natijalarini muhokamasiga bagʻishlangan kengaytirilgan uchrashuvlar oʻtkazildi.

Uchrashuvda yigʻilganlarga Axborot texnologiyalari va kommunikatsiyalarini rivojlantirish vazirligi va uning viloyat hududiy boshqarmasi, Oʻzkomnazoratning Sirdaryo viloyati hududiy inspeksiyasi xodimlari tomonidan amalga oshirilgan ishlar va yechimini kutayotgan masalalar yuzasidan tahliliy maʼlumotlar taqdim etildi.

Boyovut va Xovos tumani hokimlarining raqamlashtirish boʻyicha masʼul oʻrinbosarlari tomonidan amalga oshirilgan ishlar hamda tumanni raqamli rivojlanish darajasini baholashning reyting natijalarini yanada yaxshilash, har bir kamchilik hamda bajarilishidagi kechikishlarni bartaraf etish, shuningdek ijrosini taʼminlash boʻyicha tuman mutasaddilariga vazifalar belgilab berildi.