Jizzax viloyati Do’stlik tumanida jismoniy va yuridik shaxslar uchun AKT vazirligi Jizzax viloyati hududiy boshqarmasi tomonidan sayyor qabul o‘tkazildi.

Sayyor qabulda Vazirlik tizimidagi aksiyadorlik kompaniyalari, korxona, tashkilot va muassasalarning viloyatdagi tarkibiy bo‘linmalari hamda mobil aloqa operatorlari viloyat bo‘linmalari rahbarlari ishtirok etdi.

Qabul davomida soha doirasida olib borilayotgan ishlar va kelgusida amalga oshirilishi rejalashtirilgan vazifalar to‘g‘risida ma’lumot berib o‘tildi.

Sayyor qabul davomida  aloqa va telekommunikatsiya, radio va televideniye, axborot texnologiyalari sohasi bo’yicha fuqarolardan kelib tushgan murojaatlar  hal etilib, o‘rganish talab etiladigan murojaatlar nazoratga olindi va o‘rganib chiqish uchun tegishli mas’ullarga topshiriqlar berildi.

Bundan tashqari mobil aloqa operatorlari viloyat bo‘linmalari tomonidan tuman aholisi uchun sayyor xizmatlar ko’rsatildi.