IT Park dunyoga mashhur “Coursera” onlayn taʼlim platformasi bilan hamkorlik toʻgʻrisida memorandum imzoladi. Endilikda IT Park va “Coursera” onlayn taʼlim platformasi  bir qancha yirik loyihalar ustida hamkorlikni amalga oshiradi.

Aytib o‘tish kerak, “Coursera” – bu Stenford universiteti kompyuter fanlari professorlari Endryu In va Dafne Koller tomonidan 2012-yilda tashkil etilgan ulkan, global onlayn taʼlim platformasi bo‘lib, dunyoning eng yaxshi universitetlari va kompaniyalarining taʼlim yoʻnalishidagi turli yo‘nalishlarda nashr etiladigan videomateriallarini oʻzida mujassamlashtirgan.

Oʻtgan yil davomida “Coursera” onlayn taʼlim platformasi Oʻzbekiston aholisiga platforma kurslariga bepul kirish imkoniyatini taqdim etdi. Natijada, oʻzbekistonlik 5000 dan ortiq foydalanuvchilar platformada roʻyxatdan oʻtdilar va turli yoʻnalishlarda ta’lim oldilar.