Bugungi kunda “Mahallabay” ishlash tizimini amaliyotda keng joriy etish bo‘yicha bir qator ishlar olib borilmoqda.

Xususan, Axborot texnologiyalari va kommunikatsiyalarini rivojlantirish vazirligi Toshkent shahar hududiy boshqarmasi tomonidan Yakkasaroy tumanidagi “Abdulla Qahhor”, “Armug‘on”, “Belariq”, “Bobur”, “Boshliq”, “Bog‘saroy”, “Damariq”, “Dilbuloq” mahallalarida aholi uchun sayyor xizmatlar amalga oshirildi.

Shuningdek, UMS, BEELINE, UZMOBILE, HUMANS, UCELL mobil aloqa kompaniyalari hamda  UZDIGITAL TV va TShTT filiali mutasaddi xodimlari tomonidan aholiga aloqa xizmatlari ko‘rsatildi.

Uchrashuv davomida, aholi istagan aloqa kompaniyasiga mijoz bo‘lishi, raqamlar xarid qilishi  va o‘zlariga ma’qul bo‘lgan ta’rif rejalariga o‘tishlari tashkil etilib, o‘tkazilayotgan aksiyalardan samarali foydalanish imkoniyati tushuntirib o‘tildi.