Joriy yil 1-maydan boshlab “O‘zbektelekom” AK tomonidan operator va provayderlar uchun xalqaro paketli kommutatsiya markazi (XPKM) orqali taqdim etiladigan kanal narxlari 30 foizgacha, ya’ni 32 ming so‘mgacha arzonlashtiriladi.
Ta’kidlash joizki, hozirda «O‘zbektelekom» AK tomonidan barcha foydaluvchilar uchun xizmat narxini arzonlashtirish, undan foydalanish imkoniyatini qulay tarzda yaratish bo‘yicha bir qator ishlar olib borilmoqda.
Xususan, 2021-yil yanvardan boshlab operator va provayderlarga xalqaro paketli kommutatsiya markazi (XPKM) orqali taqdim etiladigan 1 Megabit/s tezlikdagi kanal narxlari 2 barobarga arzonlashtirilgan edi va hozirgi kunda ushbu xizmat narxi 40 000 soʻm deb belgilangan. Mazkur xizmat narxi so‘nggi 3 yil ichida 7,5 barobardan ko‘proqqa arzonlashtirilganligini ko‘rsatmoqda.
Bu o‘z navbatida operator va provayderlarning respublikamizda faoliyatini jadal rivojlantirish, aholiga sifatli xizmatlarni qulay narxlarda taqdim etish uchun shart-sharoitlar yaratadi.
Manba: Axborot xizmati