4-yanvar kuni O‘zbekiston telekommunikatsiya tarmoqlarini boshqarish respublika markazida Axborot texnologiyalari va kommunikatsiyalarini rivojlantirish vazirligi, “O‘zТТВRМ” DUK hamda Davlat Bojxona qo‘mitasi va Ichki ishlar vazirligi mas’ul mutahassislari ishtirokida matbuot anjuman bo‘lib o'tdi.
Matbuot anjumanda O‘zbekiston Respublikasi Vazirlar Mahkamasining 2020 yil 31-dekabr kuni “O‘zbekiston Respublikasi xududida foydalanilayotgan, sotish yoki shaxsiy foydalanish uchun olib kiriladigan va ishlab chiqariladigan mobil qurilmalarni ro‘yxatga olish tartibi to‘g‘risidagi nizomga o‘zgartirish va qo‘shimchalar kiritish haqida” 828-son qaroriga muvofiq mobil qurilmalarni ro‘yxatdan o‘tkazish jarayoniga o‘zgartirishlar va qo‘shimchalar kiritilgani to‘g‘risida masalalar muhokama qilindi.