Andijon viloyati Shahrixon tumanida Raqamli texnologiyalar o‘quv markazi ochildi.

Markaz ochilishida O‘zbekiston Respublikasi Axborot texnologiyalari va kommunikatsiyalarini rivojlantirish vaziriligi Andijon viloyati xududiy boshqarmasi va Shahrixon tumani hokimligi rahbar va xodimlari, tuman fahriylari hamda mahalliy yoshlar ishtirok etishdi.

Mazkur o‘quv markaz zamonaviy kompyuter uskunalari bilan jihozlanib, unda yoshlarni dasturlash, veb-dizayn, robototexnika asoslarini o‘qitish uchun barcha sharoitlar yaratilgan.

Shu bilan birgalikda o‘quv markazida tumandagi korxona va tashkilotlar rahbarlari va xodimlarini axborot-kommunikatsiya texnologiyalari sohasida malakasini oshirish rejalashtirilgan.