IT-Parkda biznes, davlat tashkilotlari va jamoat tashkilotlari vakillari ishtirokida uchrashuv bo‘lib o‘tdi.

Uchrashuv doirasida O‘zbekistonda IT-tadbirkorlikni rivojlantirish hamda startap-loyihalarga ko‘mak berish dolzarb masalalari ko‘rib chiqildi.

Biznes tomonidan bir qator mahalliy startapchilar, jamoat tashkilotlari tomonidan — BMTTDning “Startap-tashabbuslari” loyihasi, O'zbekiston Venchur Investitsiyalar Assotsiyatsiyasi vakillari ishtirok etdi. Yig‘ilishda, Axborot texnologiyalari va kommunikatsiyalarini rivojlantirish vazirining birinchi o'rinbosari Oleg Pekos qatnashdi.

Uchrashuvda O‘zbekiston Respublikasi Bosh vazirining maslahatchisi — IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshlig‘i Olimjon Umarov ishtirok etdi.