Bugun jahon hamjamiyati uchun jiddiy muammoga aylangan koronavirus (COVID-19) pandemiyasiga qarshi mamlakatimizda qat’iy chora-tadbirlar ko‘rilmoqda.
Respublikamiz aholisini ushbu xavfdan himoya qilish, uni iqtisodiyot tarmoqlariga bo‘ladigan salbiy ta’sirini yumshatish bo‘yicha Axborot texnologiyalari va kommunikatsiyalarini rivojlantirish vazirligi va uning tizimdagi korxona va tashkilotlar tomonidan ko‘plab ishlar amalga oshirilmoqda.
Xususan, respublikamizda koronavirus (COVID-19) bo‘yicha karantin rejimi e’lon qilingan vaqtdan boshlab Beeline kompaniyasi tomonidan umumta’lim maktablari va maktabgacha ta’lim muassasalari tarbiyalanuvchilari uydan bemalol fanlarni o‘zlashtirish uchun quyidagi ta’lim manbalarining veb-saytlarga bepul kirishni (dostupni) ta’minlab berdi:
- Xalq ta‘limi vazirligi rasmiy veb-sayti — www.uzedu.uz;
- Xalq ta‘limi vazirligi axborot-ta‘lim portali — www.eduportal.uz;
- Mahalliy va xorijiy adabiyotlarning electron va audiokitoblarni jamlagan Respublika bolalar electron kutubxonasi — www.kitob.uz;
- Elektron ta‘lim ilovanong axborot sayti — www.edumarket.uz;
- Masofaviy onlayn ta‘lim uchun electron platformasi — www.online-maktab.uz;
- Ta‘lim videoportali — www.utube.uz;
- Muhammad al-Xorazmiy nomidagi axborot-kommunikatsiya texnologiyalari yo‘nalishiga oid fanlarni chuqurlashtirib o‘qitishga ixtisoslashtirilgan maktabning rasmiy veb-sayti — www.itschool.uz.
17 apreldan boshlab esa Beeline kompaniyasi bepul ta'lim axborot manbalari ro‘yhatini boyitdi. Endigina Beeline kompaniyasi abonentlari quyidagi manbalardan ham bemalol foydalanishlari mumkin:
- O‘quv fanlari bo‘yicha videodarslar — https://tube.edu.uz;
- O‘zbekiston Respublikasi oliy va o‘rta maxsus ta‘lim vazirligining electron ta‘lim platformalari — https://dist.edu.uz va https://mt.edu.uz;
- Bosh ilmiy-metodik markazi veb-portalining manbalari: oliy va o‘rta maxsus ta‘lim muassasalarida faoliyat ko‘rsatayotgan pedagoglarning electron portfolio tizimi (https://pf.bimm.uz), elektron kutubxonasi (https://lib.bimm.uz) va monitoring electron tizimi (https://mt.bimm.uz).