2017-2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Ilm, maʼrifat va raqamli iqtisodiyotni rivojlantirish yili”da amalga oshirishga oid davlat dasturi toʻgʻrisida Oʻzbekiston Respublikasi Prezidentining
F A R M O N I
Mamlakatimizda amalga oshirilayotgan keng qamrovli islohotlarni xalq manfaatlari yoʻlida izchil davom ettirish maqsadida 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Ilm, maʼrifat va raqamli iqtisodiyotni rivojlantirish yili”da amalga oshirishga oid davlat dasturi loyihasi keng jamoatchilik ishtirokida atroflicha muhokama qilingan holda tayyorlandi.
Muhokamalar jarayonida xalqimiz, fuqarolik jamiyati institutlari faollik koʻrsatib, mingdan ortiq tele- va radiokanallar orqali toʻgʻridan-toʻgʻri efirlarda ular bilan bevosita muloqotlar tashkil etildi, fuqarolarimiz bildirgan taklif-tavsiyalar tegishli soha mutaxassislari va ekspertlar ishtirokida chuqur tahlil qilindi.
Xususan, jamoatchilik muhokamasi doirasida uch mingdan ortiq takliflar kelib tushdi, ular asosida Davlat dasturi loyihasiga yuzga yaqin konseptual va tahririy oʻzgartish va qoʻshimchalar kiritildi. Shuningdek, koʻpchilik takliflar muhokama uchun eʼlon qilingan Davlat dasturi loyihasidagi chora-tadbirlarni qoʻllab-quvvatlash va ularni amalga oshirish jarayonlarini takomillashtirishni nazarda tutadi.
2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi ijrosini taʼminlash, shuningdek, Oʻzbekiston Respublikasi Prezidentining 2020-yil 24-yanvardagi Oliy Majlisga Murojaatnomasi, parlament palatalari qoʻshma majlisi va tashkiliy yigʻilishlarida belgilangan vazifalarni samarali va oʻz vaqtida amalga oshirish maqsadida:
1. 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Ilm, maʼrifat va raqamli iqtisodiyotni rivojlantirish yili”da amalga oshirishga oid davlat dasturi (keyingi oʻrinlarda – Davlat dasturi) ilovaga muvofiq tasdiqlansin.
2. Davlat va jamiyat qurilishi tizimini takomillashtirish sohasida:
Oʻzbekiston Respublikasi Oliy Majlisi palatalari va Vazirlar Mahkamasiga manfaatdor vazirlik va idoralar bilan birgalikda ushbu yoʻnalishda belgilangan vazifalarning oʻz vaqtida bajarilishini, shu jumladan, parlamentning qonun ijodkorligi va nazorat faoliyatini kuchaytirishga qaratilgan chora-tadbirlar dasturi, toʻgʻridan-toʻgʻri amal qiluvchi qonunlarni ishlab chiqish boʻyicha “yoʻl xarita”si, Aholining elektoral madaniyatini yuksaltirish konsepsiyasi hamda Oʻzbekistonda fuqarolik jamiyatini rivojlantirishning oʻrta va uzoq muddatli istiqbolga moʻljallangan strategiyasi qabul qilinishini taʼminlash tavsiya etilsin.
3. Qonun ustuvorligini taʼminlash va sud-huquq tizimini yana-da isloh qilish sohasida:
Oʻzbekiston Respublikasi Oliy sudi, Sudyalar oliy kengashi, Bosh prokuraturasi, Ichki ishlar vazirligi, Adliya vazirligiga manfaatdor vazirlik va idoralar bilan birgalikda ushbu yoʻnalishda belgilangan vazifalarning oʻz vaqtida bajarilishini, shu jumladan, tizimlashtirilgan “Sudlar toʻgʻrisida”gi qonunning yangi tahriri, shuningdek, sudyalar hamjamiyati organlari faoliyatini tartibga soluvchi hamda Oʻzbekiston Respublikasining Jinoyat va Jinoyat-protsessual kodekslari, Maʼmuriy javobgarlik toʻgʻrisidagi kodeksiga fuqarolar va tadbirkorlik subyektlari huquqlari kafolatlarini kuchaytirishga qaratilgan oʻzgartirish va qoʻshimchalarni kiritishni nazarda tutuvchi qonun loyihalari ishlab chiqilishini taʼminlash topshirilsin.
4. Keng jamoatchilik istaklarini va xalqaro ekspert jamoatchiligi tavsiyalarini inobatga olgan holda Oʻzbekiston Respublikasi Oliy Majlisi palatalari, Vazirlar Mahkamasi va Inson huquqlari boʻyicha milliy markazining quyidagi takliflariga rozilik berilsin:
2020-yil 1-apreldan boshlab Toshkent shahri va Toshkent viloyatida koʻchmas mulkni olishda Oʻzbekiston Respublikasi fuqarolari uchun ushbu hududlarda doimiy propiskaga ega boʻlish talab qilinmasligini koʻzda tutuvchi tartibni joriy etish;
Oʻzbekiston Respublikasida doimiy yashovchi va respublikaning boshqa mintaqalarida doimiy propiskaga ega boʻlgan Oʻzbekiston Respublikasi fuqarolari tomonidan Toshkent shahri va Toshkent viloyatidagi yangi qurilgan uylarda koʻchmas mulk oldi-sotdisi shartnomalarini rasmiylashtirish uchun davlat bojining alohida stavkasini bekor qilish.
Oʻzbekiston Respublikasi Vazirlar Mahkamasi:
a) 2020-yil 1-aprelga qadar qonun hujjatlariga mazkur banddan kelib chiqadigan oʻzgartirish va qoʻshimchalar kiritilishini taʼminlasin, unda, shu jumladan, quyidagilarni nazarda tutsin:
b) Oʻzbekiston Respublikasida 2030-yilgacha urbanizatsiyani rivojlantirish konsepsiyasini ishlab chiqishda respublika aholisi uchun Toshkent shahri bilan bir qatorda qoʻshimcha ravishda “oʻziga tortuvchi markazlar”ni yaratish maqsadida tabiiy va ijtimoiy-iqtisodiy salohiyatga ega eng yirik shaharlarni belgilashni nazarda tutsin.
5. Iqtisodiyotni rivojlantirish va investitsiyalarni faol jalb qilish sohasida:
Oʻzbekiston Respublikasi Vazirlar Mahkamasi, Markaziy banki, Hisob palatasi, Savdo-sanoat palatasiga manfaatdor vazirlik va idoralar bilan birgalikda ushbu yoʻnalishda belgilangan vazifalarning oʻz vaqtida bajarilishini, shu jumladan, “Davlat moliyaviy nazorati toʻgʻrisida”gi, “Davlat qarzi toʻgʻrisida”gi va “Rasmiy statistika toʻgʻrisida”gi qonun loyihalari, Avtomobil yoʻllarini rivojlantirish va Moliyaviy xizmatlar ommabopligini oshirish strategiyalari, Tashqi iqtisodiy faoliyatni tartibga solish va Suv xoʻjaligini rivojlantirish konsepsiyalari, Qishloq xoʻjaligida raqamli texnologiyalarni keng joriy etish boʻyicha amaliy chora-tadbirlar dasturi ishlab chiqilishini taʼminlash topshirilsin.
6. Oʻzbekiston Respublikasi Vazirlar Mahkamasi:
Xuddi shu kabi monomarkazlar va kasbga tayyorlash markazlari Qoraqalpogʻiston Respublikasi va viloyatlarning shahar va tumanlarida ham bosqichma-bosqich tashkil etilishi taʼminlansin.
7. Oʻzbekiston Respublikasi Iqtisodiyot va sanoat vazirligi huzuridagi Kichik biznes va tadbirkorlikni rivojlantirish agentligi, Mahalla va oilani qoʻllab-quvvatlash vazirligi, Oliy va oʻrta maxsus taʼlim vazirligi, Savdo-sanoat palatasi va Oʻzbekiston Yoshlar ittifoqi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda kasbga oʻqish istagini bildirgan yolgʻiz va koʻp bolali ayollar, ishsizlar, yoshlar uchun kundalik hayotda ehtiyoj yuqori boʻlgan sohalar, xususan tikuvchilik, pazandalik, sartaroshlik va boshqa yoʻnalishlar boʻyicha kasbga oʻrgatish kurslarini tashkil etish choralarini koʻrsin.
Mahalla va oilani qoʻllab-quvvatlash vazirligi Bandlik va mehnat munosabatlari vazirligi bilan birgalikda bir oy muddatda “Mahalla guzarlarida kasbga oʻqitish dasturi”ni ishlab chiqib, talabgorlar roʻyxatini shakllantirsin.
Belgilansinki, kasbga oʻrgatish kurslari doirasida oʻqitilgan yolgʻiz va koʻp bolali ayollar, ishsizlar va yoshlar kabi aholining ijtimoiy himoyaga muhtoj qatlamlari uchun Bandlikka koʻmaklashish davlat jamgʻarmasi hisobidan Vazirlar Mahkamasi tomonidan belgilangan tartibda mablagʻ ajratiladi.
8. Qoraqalpogʻiston Respublikasi Vazirlar Kengashi raisi, viloyatlar, Toshkent shahar, tuman (shahar) hokimlari Oʻzbekiston Respublikasi Moliya vazirligi, Bandlik va mehnat munosabatlari vazirligi bilan birgalikda:
9. Qoraqalpogʻiston Respublikasi Vazirlar Kengashi va viloyatlar hokimliklari Oʻzbekiston Respublikasi Iqtisodiyot va sanoat vazirligi bilan birgalikda ikki oy muddatda tadbirkorlik yaxshi rivojlangan va aholi zich joylashgan hududlar atrofida qishloq xoʻjaligiga moʻljallanmagan va boʻsh turgan yer maydonlarini aniqlasin hamda ularda kichik sanoat zonalarini tashkil etish va ularni infratuzilma bilan taʼminlash uchun loyiha hujjatlarini ishlab chiqish choralarini koʻrsin.
Belgilansinki:
10. Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi Mahalla va oilani qoʻllab-quvvatlash vazirligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda har bir tumanda dehqonchilik bilan shugʻullanish istagini bildirgan aholi roʻyxatini shakllantirsin, qishloq xoʻjaligi oborotidan chiqib ketgan yerlarni talabgorlarga taqsimlab bersin va ularni kooperatsiyalarga biriktirsin. Bunda, mazkur shaxslarga qonunchilikda nazarda tutilgan imtiyozlar taqdim etilsin va yerlarni oborotga qaytarish uchun barcha zarur chora-tadbirlar koʻrilsin.
11. Oʻzbekiston Respublikasi Iqtisodiyot va sanoat vazirligi huzuridagi Kichik biznes va tadbirkorlikni rivojlantirish agentligi, Axborot texnologiyalari va kommunikatsiyalarini rivojlantirish vazirligi ikki oy muddatda biznesga hamda tadbirkorlikni boshlash istagidagi fuqarolar va oʻzini oʻzi band qilmoqchi boʻlganlarga servis koʻrsatuvchi interaktiv mobil ilovalar yaratish uchun tanlovlar eʼlon qilib, eng yaxshi loyihalarga grantlar ajratish tizimini yoʻlga qoʻysin.
12. Oʻzbekiston Respublikasi Iqtisodiyot va sanoat vazirligi Moliya vazirligi, Bandlik va mehnat munosabatlari vazirligi, Investitsiyalar va tashqi savdo vazirligi hamda boshqa manfaatdor idoralar bilan birgalikda, shuningdek, Jahon banki, Birlashgan Millatlar Tashkiloti Taraqqiyot dasturi va boshqa xalqaro tashkilotlarni jalb etgan holda 2020-yil 1-avgustga qadar quyidagilarni nazarda tutuvchi Kambagʻallikni qisqartirish dasturi loyihasini ishlab chiqsin va Oʻzbekiston Respublikasi Vazirlar Mahkamasiga kiritsin:
13. Belgilansinki, 2020-yil 1-iyundan boshlab tadbirkorlik subyektlariga litsenziyalar va ruxsat etish xususiyatiga ega boshqa hujjatlarni berishda kadrlarning professional malakasi, taqdim etilgan hujjatlar va dasturlarning qonun hujjatlarida belgilangan talablarga, bino va inshootlarning – sanitariya-epidemiologik talablarga va yongʻin xavfsizligi talablariga javob bermasligi sababli rad etishga yoʻl qoʻyilmaydi.
Bunda, vakolatli davlat organlari tadbirkorlik subyektlariga malakali kadrlarni izlash, hujjatlar va dasturlarni qayta ishlash uchun mutaxassislarni jalb qilish hamda litsenziyalar va ruxsat etish xususiyatiga ega boshqa hujjatlarni olish uchun boshqa zarur shart-sharoitlarni yaratishda yordam berishlari lozim, talabgorning taklif etilgan yordamni rad qilish hollari bundan mustasno.
Oʻzbekiston Respublikasi Adliya vazirligi uch oy muddatda ushbu bandda belgilangan tartibni joriy etish boʻyicha takliflarni kiritsin.
14. Oʻzbekiston Respublikasi Transport vazirligi Adliya vazirligi bilan birgalikda uch oy muddatda “UzTrans” yagona interaktiv axborot tizimida tashuvchilar faoliyatini monitoring va nazorat qilishning zamonaviy usullarini qoʻllashni hisobga olgan holda Vazirlar Mahkamasiga:
15. Ijtimoiy rivojlanish sohasida:
Oʻzbekiston Respublikasi Vazirlar Mahkamasi manfaatdor vazirlik va idoralar bilan birgalikda ushbu yoʻnalishda belgilangan vazifalarning oʻz vaqtida bajarilishini, shu jumladan, Uy-joy kodeksining yangi tahriri, Ekologiya kodeksi loyihasi, “Suv taʼminoti va oqova xizmatlar toʻgʻrisida”gi va “Kinematografiya toʻgʻrisida”gi qonun loyihalari, Aholi bandligini taʼminlash va yangi ish oʻrinlarini tashkil etish davlat dasturi, Kitobxonlik madaniyatini rivojlantirish va qoʻllab-quvvatlash milliy dasturi, Ilm-fan sohasini rivojlantirish, Aholini ijtimoiy himoya qilish, Ichimlik suvi taʼminoti va kanalizatsiya tizimini rivojlantirish konsepsiyalari, Qurilish sohasini rivojlantirish strategiyasi ishlab chiqilishini taʼminlash topshirilsin.
16. Oʻzbekiston Respublikasi Xalq taʼlimi vazirligi Axborot texnologiyalari va kommunikatsiyalarini rivojlantirish vazirligi bilan birgalikda Yoshlar taʼlimi va ayollar bandligi boʻyicha “Besh tashabbus” loyihasi doirasida 2020-yil 1-sentyabrdan boshlab alohida umumtaʼlim muassasalarida bolalarni maktab fanlariga elektron oʻqitish boʻyicha, shu jumladan, elektron sinf jurnali, oʻquvchilar kundaliklarini raqamlashtirish va elektron materiallar kutubxonasini (darsliklar, video darslar, virtual laboratoriyalar va boshqalar) oʻz ichiga olgan tajriba tariqasida axborot tizimlarini qogʻoz hujjatlarni bekor qilgan holda joriy etsin.
17. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Oliy va oʻrta maxsus taʼlim vazirligi bilan birgalikda ekspertlar, shu jumladan, xorijiy ekspertlar ishtirokida maʼlumotlar haqidagi fan, ulkan maʼlumotlar, sunʼiy intellekt kabi yoʻnalishlarda kadrlar tayyorlashni nazarda tutgan holda, axborot-kommunikatsiya texnologiyalari va raqamli iqtisodiyot sohasidagi oʻquv dasturlari qayta koʻrib chiqilishini taʼminlasin.
18. Oʻzbekiston Respublikasi Oliy va oʻrta maxsus taʼlim vazirligi boshqa manfaatdor idoralar bilan birgalikda 2020/2021 oʻquv yilidan boshlab respublika oliy taʼlim muassasalari talabalariga oʻquv yili davomida teng ulushlarda kamida toʻrt marotaba oʻqish uchun toʻlovlarni amalga oshirish imkoniyati taqdim etilishini taʼminlasin.
19. 2020/2021 oʻquv yilidan boshlab Muhammad al-Xorazmiy nomidagi Toshkent axborot texnologiyalari universiteti, Toshkent davlat yuridik universiteti va Toshkent davlat pedagogika universitetida tajriba tariqasida bosqichma-bosqich masofaviy oʻqitish shakli joriy etilsin.
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Adliya vazirligi, Oliy va oʻrta maxsus taʼlim vazirligi 2020-yil 1-avgustga qadar masofaviy oʻqitish shaklini amalga oshirish tartibini belgilash, dasturiy-apparat kompleksini yaratish, tegishli oliy taʼlim muassasalarining oʻquv jarayoniga masofaviy oʻqitish platformasini joriy etish va oʻrnatilgan tartibda zarur boʻlgan uskunalar bilan jihozlashni taʼminlasin.
Oʻzbekiston Respublikasi Vazirlar Mahkamasi 2021-yil 1-yanvarga qadar tajriba natijalarini inobatga olgan holda oliy taʼlim tizimiga masofaviy oʻqitish shaklini joriy etish toʻgʻrisidagi takliflarni oʻqitishning ushbu shaklini amalga kiritishning oliy taʼlim muassasalari va taʼlim yoʻnalishlari kesimidagi grafigi bilan birgalikda kiritsin.
20. Oʻzbekiston Respublikasi Prezidentining 2019-yil 31-oktyabrdagi PQ-4502-son qaroriga asosan 2020-yil 1-yanvardan keyingi davr uchun pensiyani hisoblashda mehnat stajini tasdiqlash va ish haqi miqdorini belgilash “Yagona milliy mehnat tizimi” idoralararo dasturiy-apparat kompleksida mavjud maʼlumotlar asosida amalga oshirilishi maʼlumot uchun qabul qilinsin.
Shunday tartib joriy etilsinki, unga muvofiq pensiyani hisoblash uchun mehnat stajini tasdiqlash va ish haqi miqdorini belgilashda arxiv maʼlumotlarini taqdim etmasdan:
Ushbu bandda koʻrsatilgan davrlar uchun arxiv maʼlumotlaridan faqat tizimlarda zarur maʼlumotlar mavjud boʻlmaganda yoki fuqaroning murojaati asosida foydalaniladi. Fuqaro tomonidan taqdim etilgan hujjatlarni tekshirish hamda qoʻshimcha arxiv maʼlumotlarini talab qilib olish zarurati boʻlganda, fuqaroga pensiya minimal miqdor boʻyicha sirtdan rasmiylashtiriladi va keyinchalik qayta hisob-kitob qilinadi.
Oʻzbekiston Respublikasi Bandlik va mehnat munosabatlari vazirligi Moliya vazirligi va Adliya vazirligi bilan birgalikda uch oy muddatda:
21. Oʻzbekiston Respublikasi Bandlik va mehnat munosabatlari vazirligi Moliya vazirligi, Davlat soliq qoʻmitasi, Adliya vazirligi bilan birgalikda, shuningdek, fuqarolarning murojaatlari va iqtisodiyotni raqamlashtirish boʻyicha vazifalarni hisobga olgan holda ikki oy muddatda oʻzini oʻzi band qilayotgan fuqarolarga vaqtinchalik mehnat guvohnomalari beriladigan faoliyat turlari (xizmatlar, ishlar) roʻyxatini qayta koʻrib chiqish, mazkur jarayonlarni raqamlashtirish, “frilansing” (masofadan turib ishlash) imkoniyatlarini ommalashtirish boʻyicha “yoʻl xaritasi”ning kiritilishini taʼminlasin.
22. Oʻzbekiston Respublikasi Prezidenti huzuridagi Davlat xizmatini rivojlantirish agentligi hamda Axborot texnologiyalari va kommunikatsiyalarini rivojlantirish vazirligining 2020-yil 1-noyabrdan “Davlat fuqarolik xizmati yagona elektron axborot-tahliliy tizimi” dasturiy-apparat kompleksini (keyingi oʻrinlarda – dasturiy-apparat kompleksi) joriy etish toʻgʻrisidagi taklifi maʼqullansin.
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Oʻzbekiston Respublikasi Prezidenti huzuridagi Davlat xizmatini rivojlantirish agentligi bilan birgalikda dasturiy-apparat kompleksining Oʻzbekiston Respublikasi Yagona interaktiv davlat xizmatlari portali va boshqa zarur tizimlarga integratsiyalashuvini taʼminlasin.
Oʻzbekiston Respublikasi Oliy va oʻrta maxsus taʼlim vazirligi, Taʼlim sifatini nazorat qilish davlat inspeksiyasi, Oliy attestatsiya komissiyasi va respublikadagi oliy taʼlim muassasalari rahbarlari idoraviy axborot tizimlari oʻz vaqtida va sifatli ishlab chiqilishini, ularning dasturiy-apparat kompleksi bilan integratsiya qilinishini, shuningdek, ushbu tizim toʻliq ishlashini taʼminlash uchun maʼlumotlarni raqamlashtirish choralarini koʻrsin.
23. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi boshqa manfaatdor idoralar bilan birgalikda “Raqamli Oʻzbekiston – 2030” dasturi loyihasini ishlab chiqishda boshqa masalalar bilan bir qatorda quyidagilarni nazarda tutsin:
a) “Elektron hukumat” tizimini rivojlantirish yoʻnalishida:
b) mahalliy IT-texnologiyalar bozori salohiyatini oshirish yoʻnalishida:
v) davlat maʼlumotlarini boshqarish tizimini yaratish yoʻnalishida:
24. Davlat organlari, idoralar, barcha korxona va tashkilotlarga “raqamli iqtisodiyot”, zamonaviy axborot texnologiyalari va kommunikatsiyalarini joriy qilish va rivojlantirishga masʼul boʻlgan xodimlarni xizmatchilarning asosiy lavozimlari va ishchilarning kasblari klassifikatori taʼlimning minimal darajasi va kasb boʻyicha malakaviy razryadlar qismiga amal qilmagan holda ishga jalb qilishga ruxsat berilsin.
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi manfaatdor vazirlik va idoralar bilan birgalikda ikki oy muddatda axborot texnologiyalari sohasida xalqaro sertifikatga ega boʻlgan shaxslarni qoʻllab-quvvatlash va ragʻbatlantirish tizimini yaratish boʻyicha takliflarni Vazirlar Mahkamasiga kiritsin.
Bunda, axborot texnologiyalari sohasida xalqaro sertifikat olish imtihonlarini muvaffaqiyatli topshirgan shaxslarga xarajatlarni davlat tomonidan qoplash, axborot texnologiyalari sohasida xalqaro sertifikatga ega boʻlgan shaxslarning respublika oliy taʼlim muassasalarida taʼlim olish imkoniyatlarini kengaytirish nazarda tutilsin.
25. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Bandlik va mehnat munosabatlari vazirligi, Innovatsion rivojlanish vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda “Besh tashabbus” loyihasini moliyalashtirish doirasida “Raqamli texnologiyalar oʻquv markazlari”da, “Ishga marhamat” monomarkazlarida va “Yoshlar texnopark”larida yoshlarga raqamli texnologiyalarni oʻrgatish boʻyicha maxsus kurslarni tashkil etish choralarini koʻrsin.
26. Innovatsion rivojlanish vazirligi, Axborot texnologiyalari va kommunikatsiyalarini rivojlantirish vazirligi Oʻzbekiston Yoshlar ittifoqi bilan birgalikda raqamli iqtisodiyotni rivojlantirishga yoshlarning eng ilgʻor loyihalarini jalb etish maqsadida Toshkent shahrida “Xalqaro yoshlar innovatsiya forumi”ni oʻtkazish hamda forum doirasida “Eng yaxshi loyihalar” tanlovini tashkil etish toʻgʻrisidagi taklifi maʼqullansin.
27. Vazirlar Mahkamasi bir oy muddatda quyidagilarni nazarda tutuvchi Oʻzbekiston Respublikasi Prezidenti Farmoni va qarori loyihalarini kiritsin:
28. Shunday tartib oʻrnatilsinki, unga muvofiq davlat xizmatlarini koʻrsatuvchi davlat organlari va tashkilotlarida axborotlarni shakllantirish, saqlash va qayta ishlash “Elektron hukumat” tizimining yagona identifikatorlarini qoʻllagan holda amalga oshiriladi.
29. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Elektron hukumatning idoralararo axborot tizimlari va dasturiy mahsulotlari yagona reyestrini (keyingi oʻrinlarda – Yagona reyestr), shuningdek, davlat organlari va tashkilotlarining axborot tizimlari va resurslarida qoʻllanilishi majburiy boʻlgan “Elektron hukumat” tizimining yagona identifikatorlarini, maʼlumotnomalar va tasniflagichlarning roʻyxatlarini (keyingi oʻrinlarda – roʻyxatlar) joriy etish toʻgʻrisidagi taklifi maʼqullansin.
30. Belgilansinki:
31. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, “Oʻzkomnazorat” davlat inspeksiyasi, Kiberxavfsizlik markazi ikki oy muddatda Yagona reyestr va roʻyxatlarni shakllantirish hamda yuritish tartibi toʻgʻrisidagi nizom loyihasini tasdiqlash uchun Vazirlar Mahkamasiga kiritsin,bunda reyestr va roʻyxatlarning dolzarb versiyalarini “Elektron hukumat” tizimiga taqdim etish uchun masʼul davlat organlari va tashkilotlari koʻrsatib oʻtilsin.
32. Oʻzbekiston Respublikasi Vazirlar Mahkamasi ilm va maʼrifat, axborot texnologiyalari, mehnat munosabatlari va tadbirkorlikni rivojlantirish uchun zarur boʻlgan axborotlarni olish imkoniyati asossiz ravishda cheklanishiga yoʻl qoʻymaslik maqsadida, shuningdek, xalqaro standartlarni inobatga olgan holda 2020-yil 1-sentyabrga qadar davlat siri deb hisoblangan maʼlumotlar roʻyxatini qayta koʻrib chiqish hamda keyinchalik uni maxfiylikdan chiqarish choralarini koʻrsin.
33. Maʼlumot uchun qabul qilinsinki, Oʻzbekiston Respublikasi Oliy Majlisi palatalari va Adliya vazirligi tomonidan Birlashgan Millatlar Tashkilotining hamda Birlashgan Millatlar Tashkiloti Taraqqiyot dasturining Oʻzbekistondagi vakolatxonalari bilan hamkorlikda Oʻzbekiston Respublikasi Oliy Majlisi huzuridagi Qonunchilik muammolari va parlament tadqiqotlari instituti tuzilmasida parlamentarizmni rivojlantirish boʻyicha Birlashgan Millatlar Tashkiloti oʻquv markazini tashkil etish masalasi ishlab chiqilgan boʻlib, u quyidagi maqsadlarga yoʻnaltirilgan:
Belgilansinki, oʻquv markazining faoliyat yuritishi, tahsil oluvchilar va xorijiy davlatlar ekspertlarining mamlakatda boʻlishi bilan bogʻliq xarajatlarni moliyalashtirish Oʻzbekiston Respublikasi Davlat byudjeti, xalqaro tashkilotlar va donorlar mablagʻlari hisobidan amalga oshiriladi.
Oʻzbekiston Respublikasi Moliya vazirligi ushbu bandda koʻzda tutilgan chora-tadbirlarni amalga oshirish uchun 2020-yilgi Davlat byudjeti parametrlari doirasida belgilangan tartibda moliyaviy mablagʻlar ajratilishini taʼminlasin, 2021-yildan esa har yili byudjet mablagʻlari ajratilishini nazarda tutsin.
Oʻzbekiston Respublikasi Oliy Majlisi palatalariga mazkur institutni isloh qilishning hozirgi bosqichini hisobga olgan holda, uning faoliyati samaradorligini oshirish toʻgʻrisida qoʻshma qaror qabul qilish tavsiya etilsin.
34. Oʻzbekiston Respublikasi Oliy Majlisida Oʻzbekiston Respublikasi Bosh vaziri lavozimiga nomzod koʻrib chiqilayotganda va tasdiqlanayotganda Vazirlar Mahkamasining yaqin muddatga va uzoq istiqbolga moʻljallangan Harakatlar dasturi taqdim etilganligi maʼlumot uchun qabul qilinsin.
Oʻzbekiston Respublikasi Vazirlar Mahkamasi har chorakda tegishli yil uchun Davlat dasturi bilan uzviy bogʻliqlikda Harakatlar dasturining vazirliklar, idoralar va hududlar kesimida bajarilishi holatini oʻz majlislarida tanqidiy muhokama qilib borsin.
35. Tashqi ishlar vazirligi, Investitsiyalar va tashqi savdo vazirligi boshqa manfaatdor idoralar bilan birgalikda ikki hafta muddatda xorijiy mamlakatlar bilan 2020-yilda savdo-iqtisodiy, investitsiyaviy, ilmiy-maʼrifiy, madaniy-gumanitar va siyosiy sohalarda, shuningdek, xavfsizlik sohasida hamkorlikni faollashtirishga qaratilgan, shu jumladan, Oʻzbekiston Respublikasining fuqarolari va tadbirkorlik subyektlari uchun tartib-taomillarni soddalashtirish va maxsus qulay rejimlar taqdim etishni nazarda tutuvchi aniq chora-tadbirlar boʻyicha takliflarni kiritsin.
36. Toʻgʻridan-toʻgʻri investitsiyalarni, ilgʻor tajriba va zamonaviy texnologiyalarni keng jalb etish uchun qulay shart-sharoitlarni yaratish maqsadida Oʻzbekiston Respublikasi Tashqi ishlar vazirligi Investitsiyalar va tashqi savdo vazirligi, manfaatdor idoralar bilan birgalikda Oʻzbekiston Respublikasining xorijdagi diplomatik missiyalarini faol jalb etgan holda jahon mamlakatlari bilan koʻp qirrali hamkorlikni kengaytirish, Birlashgan Millatlar Tashkiloti va uning muassasalari, yetakchi xalqaro institutlar va moliya tuzilmalari, shuningdek, mintaqaviy birlashmalar bilan uzoq muddatli sheriklikni chuqurlashtirish yuzasidan aniq takliflar va amaliy chora-tadbirlarni tayyorlashni taʼminlasin.
37. “Yuksalish” umummilliy harakati va “Taraqqiyot strategiyasi” markazining quyidagilarni amalga oshiruvchi “Xalqaro munozara klubi”ni tashkil etish toʻgʻrisidagi taklifiga rozilik berilsin:
Belgilansinki, “Xalqaro munozara klubi” “Yuksalish” umummilliy harakati huzurida tashkil etiladi.
38. Oʻzbekiston Respublikasi Iqtisodiyot va sanoat vazirligi “Yuksalish” umummilliy harakati hamda “Taraqqiyot strategiyasi” markazi bilan birgalikda:
Davlat dasturini amalga oshirish yakunlariga bagʻishlangan axborot-tahliliy sharhlarni tayyorlash, ularni xorijiy tillarda eʼlon qilish va keng tarqatishni taʼminlasin.
39. Davlat dasturi bandlarini izchil va oʻz vaqtida amalga oshirilishini nazorat qilish quyidagi tartibda amalga oshiriladi:
40. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston Milliy axborot agentligi, Oʻzbekiston Milliy teleradiokompaniyasi Xalqaro press-klub, Elektron ommaviy axborot vositalari milliy assotsiatsiyasi, Oʻzbekiston nodavlat notijorat tashkilotlari milliy assotsiatsiyasi bilan hamkorlikda:
41. Oʻzbekiston Respublikasi Adliya vazirligi manfaatdor idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
42. Ushbu Farmonning ijrosini nazorat qilish Oʻzbekiston Respublikasining Bosh vaziri A.N.Aripov va Oʻzbekiston Respublikasi Prezidenti Administratsiyasi rahbari Z.Sh.Nizomiddinov zimmasiga yuklansin.
Oʻzbekiston Respublikasi Prezidenti Sh.MIRZIYOYEV
Toshkent shahri,
2020-yil 2-mart
Manba: Axborot xizmati