Andijon Digital City texnoparkining IT-akademiyasida tahsil olib, muvaffaqiyatli tamomlagan yoshlar tavsiyanoma asosida O‘zbekiston – Sharda universitetiga imtihonsiz qabul qilinadi va ularga universitet kontrakt to‘lovi summasining 50 foizgacha chegirmalar beriladi, shuningdek, Digital City hamda Sharda universitetining eng yaxshi talabalari Hindistonning Bangalur shahrida malaka oshirish imkoniyatiga ega bo‘ladilar.
Bu haqda O‘zbekistondagi Sharda universitetining rektori Sanjay Palning Digital City texnoparkiga tashrifi doirasida Digital City texnoparki hamda O‘zbekiston – Sharda universiteti o‘rtasida imzolangan Kelishuv memorandumida belgilab olindi va kelishuvga erishildi.
Shuningdek, o‘zaro muloqot davomida texnopark va universitet o‘rtasida hamkorlikni yo‘lga qo‘yish, ikki tomonlama tajriba almashish, axborot texnologiyalari yo‘nalishida talabalar uchun qo‘shma dasturlar, seminarlar va loyihalarni tashkil etish, Sharda talabalari uchun texnoparkda malakaviy amaliyot o‘tash, talab va imkoniyatlardan kelib chiqib bitiruvchi yoshlarni ishga joylashishiga ko‘maklashish kabi masalalar muhokama qilindi.
Tashrif mobaynida mehmonlar texnoparkda yaratilgan imkoniyatlar, shart-sharoitlar va Raqamli shahar ish faoliyati bilan yaqindan tanishdilar hamda texnopark o‘quvchilari bilan muloqot qildilar.
Manba: Axborot xizmati
Ma’lumotdan foydalanish shartlari
100000, Toshkent Amir Temur shoh ko’chasi 4
Tel: (998 71) 238-41-59, faks (998 71) 239-87-82
E-mail: info@mitc.uz
E-xat: mitc@exat.uz
Sayt ishlab chiqilgan: 
