Raqamli texnologiyalar vazirligining yangi digital.uz rasmiy veb-sayti sinov tariqasida ishga tushirildi. Endilikda ushbu veb-sayt orqali Vazirlik faoliyati bilan tanishib borishingiz mumkin.
eye_icon
Ishonch telefonlari
11-99 Barcha raqamlar
img_icon
  • Technovation Uzbekistan hududlarga "tashrif buyuradi"
    07.02.2018

    Toshkent shahridagi Inha universitetining o‘zbekistonlik xotin-qizlar o‘rtasida axborot-kommunikatsiya texnologiyalaridan foydalanishni targ‘ib etishni maqsad qilgan Technovation Uzbekistan loyihasi tashkilotchilari joriy yilning 2 fevralida hududlar bilan onlayn aloqa o‘rnatdilar. 

    Toshkent axborot texnologiyalari universitetida o‘tkazilgan video-anjuman universitetning Samarqand, Farg‘ona, Qarshi, Urganch hamda Nukus shaharlaridagi bo‘linmalarini qamrab oldi. Unda universitetda, kasb-hunar kollejlarida tahsil olayotgan, shuningdek Technovation Uzbekistan loyihasida ishtirok etish istagidagi xotin-qizlar ishtirok etdilar.

    Video-anjuman mobaynida har bir hududda loyihani tashkil etishda ishtirok etuvchi Xotin-qizlar qo‘mitasi va TATU bo‘linmalarining koordinatorlari belgilandi. Video-anjuman orqali reja va vazifalarni har oyda 1 marotaba virtual tizim orqali muhokama qilish kelishib olindi. 

    Tashkilotchilar Technovation loyihasini qo‘llab-quvvatlayotgani uchun TATU hamda Xotin-qizlar qo‘mitasiga minnatdorchilik bildiradi.

    Manba: Axborot xizmati