Yoshlar ma’naviyatini yuksaltirish va ularning bo‘sh vaqtini mazmunli tashkil etish bo‘yicha beshta muhim tashabbusning uchinchisi doirasida Axborot texnologiyalari va kommunikatsiyalarini rivojlantirish vazirligining Toshkent shahar hududiy boshqarmasi va Olmazor tumanidagi 133-umumta’lim maktabi ma’muriyati bilan hamkorlikda “Kompyuter savodxonligi – intellektual musobaqa” tadbiri o‘tkazildi.

Musobaqa 4 yo‘nalishda, ya’ni 6-sinf o‘quvchilari o‘rtasida “Paint-ranglar jilosi” (Paint dasturida rasm chizish), 7, 8 va 9-sinf qizbolalari o‘rtasida “Mohir barmoqlar” (tez, bexato tekst terish), 10-sinf o‘quvchilari o‘rtasida “Microsoft Excel – aniqlik garovi” (biznes reja ishlab chiqish) va 11-sinf o‘quvchilari o‘rtasida “Raqamli ta’lim” (Power Point dasturida slayd tayyorlash) yo‘nalishlarida baxs olib bordilar.

Barcha sinflardan jami 582 nafar o‘quvchi mazkur intellektual musobaqada qatnashdilar.

133-umumta’lim maktabida musobaqaning final bosqichi va g‘oliblarni taqdirlash tadbiri o‘tkazildi.