Raqamli texnologiyalar vazirligining yangi digital.uz rasmiy veb-sayti sinov tariqasida ishga tushirildi. Endilikda ushbu veb-sayt orqali Vazirlik faoliyati bilan tanishib borishingiz mumkin.
eye_icon
Ishonch telefonlari
11-99 Barcha raqamlar
img_icon
  • Maxsus avariya-tiklash boshqarmasida bayram tadbiri oʻtkazildi
    15.01.2019

    Maxsus avariya-tiklash boshqarmasi (15361-harbiy qism)da 2019-yil 14-yanvar kuni Oʻzbekiston Respublikasi Qurolli Kuchlari tashkil etilganining 26 yilligi hamda 14-yanvar – Vatan himoyachilari kuni munosabati bilan tantanali bayram tadbiri oʻtkazildi.

    Tadbirda Oʻzbekiston Respublikasi axborot texnologiyalari va kommunikatsiyalarini rivojlantirish vazirining birinchi oʻrinbosari O.Umarov, vazir oʻrinbosari B.Olmatov, Elektromagnit moslashuv markazi boshligʻi oʻrinbosari A.Hoshimxoʻjayev va boshqalar ishtirok etishdi.

    Axborot texnologiyalari va kommunikatsiyalarini rivojlantirish vazirining birinchi oʻrinbosari O.Umarov oʻz tabrik soʻzida harbiy xizmatchilarni bayram munosabati bilan samimiy tabriklab, Prezidentimiz tomonidan Qurolli Kuchlar tizimida amalga oshirilayotgan islohotlar, qoʻyilayotgan vazifalar boʻyicha alohida toʻxtalib oʻtib, bu borada barchaga zamon bilan hamnafas boʻlish kerakligini taʼkidladi.

    Yakor Shundan soʻng taqdirlash marosimi boʻlib oʻtdi. Bayramda podpolkovnik X.Eshmamatov, serjant A.Kashirskiy, kichik serjant N.Shermatova “Oʻz kasbining ustasi”; podpolkovnik A.Qoʻchqorov, podpolkovnik K.Abdunabiyev, kapitan D.Tateshev faxriy yorliq kabi vazirlik miqyosidagi idoraviy mukofotlar bilan taqdirlandilar. Shuningdek boshqarma boʻyicha oʻtkazilgan “Ilgʻor mutaxassis”” tanlovida gʻolib boʻlganlarga diplom va pul mukofotlari topshirildi.

    Tadbirning badiiy qismida podpolkovnik Komiljon Abdunabiyev boshchiligidagi “Impuls” ansambli jamoasi oʻz kuy-qoʻshiqlari bilan barcha bayram ishtirokchilariga koʻtarinki kayfiyat bagʻishladi.

    Manba: Axborot xizmati