Raqamli texnologiyalar vazirligining yangi digital.uz rasmiy veb-sayti sinov tariqasida ishga tushirildi. Endilikda ushbu veb-sayt orqali Vazirlik faoliyati bilan tanishib borishingiz mumkin.
eye_icon
Ishonch telefonlari
11-99 Barcha raqamlar
img_icon
  • O‘zbekiston va Qozog‘iston texnoparklari memorandum imzoladi
    31.01.2020

    Bugun, 31-yanvar kuni Qozog‘istonning— Olmaota shahrida «DIGITAL ALMATY 2020» Forum doirasida AKT vaziri Shuhrat Sodiqov bir qator uchrashuvlar o‘tkazdi.

    Tashrif davomida AKT vaziri Shuhrat Sodiqov rahbarligidagi delegatsiya Qozog‘istonning Innovatsion texnologiyalar parki (Tech Garden)ga tashrif buyurib, uning faoliyati bilan tanishdi.

    Forum doirasida O‘zbekistonning Dasturiy mahsulotlar va axborot texnologiyalari texnologik parki (IT-park) hamda Qozog‘istonning Innovatsion texnologiyalar parki o‘rtasida memorandum imzolandi.

    Memorandumni Qozog‘iston Innovatsion texnologiyalar parki rahbari Asqar Sembin  va IT-park direktori Farhod Ibragimovlar imzoladi.

    Ushbu memorandum boshlang‘ich ekotizimni rivojlantirish sohasida tomonlar o‘rtasida to‘g‘ridan-to‘g‘ri o‘zaro manfaatli hamkorlikni rivojlantirish, tavsiyalar ishlab chiqish, bilim, tajriba va innovatsion yechimlar almashishni yo‘lga qo‘yish imkonini beradi.

    Manba: Axborot xizmati